Leo Bassi (EEUU - Italia)

Raíces judeo cristinas de occidente: un fraude histórico

Venres 29 de xullo ás 22:00 h

Centro Cultural Novacaixagalicia Auditorio

Duración: 90 min.

Xénero: bufón

Entrada: 10 euros

Idioma: castelán

Non recomendado para menores de 12 anos

Intimamente convencido de que a fase monoteísta da nosa sociedade chegou ao seu fin, Leo Bassi explora os feitos históricos, algúns coñecidos, outros moitos menos, para asentar sobre bases máis seguras o florecemento dun novo humanismo.

Neste momento de saudable efervescencia política, Bassi non só quere reafirmar a continuidade do pensamento grecolatino que desde o Renacemento volveu dar vigor á cultura occidental, senón que tamén explora as nosas influencias moito máis antigas como o politeísmo celtíbero, para así situar a cultura occidental no seu verdadeiro contexto.

Gala Clown por Palestina

Varios artistas

Xoves 28 de xullo ás 22:00 h

Auditorio do Concello

Duración: 90 min.

Xénero: clown, música e circo

Entrada: 8 euros

Idioma: galego e castelán

Para todos os públicos

Unha cita co humor máis solidario para recadar fondos que se destinarán á realización dun Festival Internacional de Clown en Palestina. Diversión e compromiso coa participación de Peter Punk, La mano Jueves, Leo Bassi… nun espectáculo presentado por Avelino González.

Barco de arena
Mércores 27 de xullo ás 13:00 h
Praza do sireno
Duración: 20 min.
Xénero: danza

Entrada libre
Idioma: Non é narrado.

Para todos os públicos
Unha bailarina e unha estrutura, unhas veces ponte, outras veces barco, ou outra cousa se queredes.
Unha personaxe evolucionando cun fondo de tristeza, disposta á alegria, desexosa de compartir o seu universo, a súa soidade, o seu humor, as súas dúbidas, a súa tenrura e a súa torpeza.
Un fermoso traballo de danza para rúa que infunde emocións universais.

Gala feminina e de aéreos

Varios artistas

Mércores 27 de xullo ás 22:00 h

Auditorio do Concello

Duración: 75 min.

Xénero: clown

Entrada: 8 euros

Idioma: galego-castelán

Para todos os públicos

Unha mostra do mellor do panorama circense en clave feminina. Artistas de diferentes disciplinas como a danza, a maxia, o clown, ou os aéreos despregarán no auditorio vigués os seus mellores números nun espectáculo único e irrepetible baixo a batuta de Isabel Martínez-Risco.

Yllana (Madrid)

666

Sábado 30 de xullo ás 22:00 h

Centro Cultural Novacaixagalicia Teatro

Duración: 75 min.

Xénero: comedia xestual

Entrada 12 euros

Idioma: non é narrado

NR menores 18 anos

Catro temibles convictos chegan ao corredor da morte para ser executados.

A adaptación destes convictos á súa nova situación, a irritante convivencia entre eles, as súas relacións cos gardiáns e as desastrosas execucións ás que son sometidos desencadearán unha serie de escenas dantescas, incontrolables e disparatadas, convertendo o corredor da morte nun improvisado inferno.

En 666 Yllana imprime unha dose máis elevada de humor negro, absurdo e mordaz ao seu habitualtraballo cómico visual para mostrar, sen palabras, o lado máis escuro e sinistro do ser humano

Entra neste macabro mundo, onde non haberá salvación algunha para ninguén. Nin sequera para o espectador.

Atempo Circ (Catalunya)

Atempo

Sábado 30 de xullo ás 24:00 h

Praza do Concello

Duración: 55 min.

Xénero: circo e aéreos

Entrada libre

Idioma: non é narrado

Para todos os públicos

Atempo é un lugar de música e corpos en movemento, aquí atópanse 4 personaxes, eles coñécense pero non o recordan... A música será a clave para chegar e comunicarse.

Circolando (Portugal)

Charanga

Martes 26 de xullo ás 22:00

Porta do sol

Duración: 45 min.

Xénero: multidisciplinar

Entrada libre

Idioma: non é narrado

Para todos os públicos

Espectáculo poético e visual, parte de dous obxectos simbólicos, a bicicleta e a fanfarra. Parte das entrañas da terra para desexar os elementos alí ausentes: luz, aire, viaxe... Busca a soidade, a nostalxia dos mineiros... e inventa para eles un soño de infancia. Un soño de fuga e evasión nos círculos dun carrusel. Un soño que se conta con música. A música dunha pequena filarmónica de ventos.

O espazo de soño ten a forma dun círculo. Un círculo de terra cunha enigmática peza de ferro no centro. Antes, houbo unha vida dentro da terra fría e longas viaxes por camiños sen fin. Historias dun antes de alí chegaren, que “Viagens da Charanga”, o compoñente vídeo que abre o espectáculo, proxecta nunha pantalla.