Claudia Contín e Ferruccio Merisi (Italia), mestres da Scuola Sperimentale dell’Actore de Pordenone, achegarán aos participantes e ás participantes do curso a experimentación sobre a postura e a xestualidade dos distintos personaxes da Commedia dell'Arte, descompoñéndoos, extraendo toda a súa enerxía. Abordarase a dialéctica entre a forma e a motivación, o dominio da enerxía en conexión co equilibrio, o ritmo e o espacio, a relación entre o corpo e a voz e as perspectivas da improvisación.

Algunhas das técnicas que se impartirán son: elementos de formulación e coordinación da voz e a práctica da composición escénica.