Desde a organización do Festival Internacional de Clown de Galicia entendemos que a cultura ademais de ser participativa, comunitaria e creativa debe ser tamén solidaria a través da colaboración con outras comunidades do mundo.

Por iso, edición tras edición mantemos o Fondoclown solidario. Este ano, boa parte dos beneficios recadados no Festival e na xira de presentación irán destinados a oganizar unha caravana de pallasos pola Paz en Palestina en colaboración con Payasos sin Fronteras e os Sete magníficos máis un.

O Fondoclown solidario contará co 75% dos beneficios acumulados durante a xira de presentación e coa venta de entradas para a Mostra internacional durante o festival. Con estes beneficios, Festiclown e Pallasos sin fronteras unen esforzos encamiñados a levar o sorriso aos territorios ocupados de Palestina, nos que a poboación civil, máis ainda a infancia e a adolescencoa vése afectada pola destrucción e a violencia que xera odio en xeracións futuras, por iso é preciso facer o esforzo por mellorar a situación Psicolóxica de poboacións que son víctimas da destrucción, empregando a risa como recurso terapéutico, mediante espectáculos e obradoiros de información socieducativos.

Liñas de intervención

• 1.- A Terapia da risa
• 2.- Apoio psicosocial: a liña medular deste proxecto consiste no desenvolvemento de espectáculos e obradoiros terapéuticos, orientados cara a prevención de transtornos.

Beneficiarios

Beneficiarios directos: nenos/as de Palestina das zonas ás que se poida chegar, aproximadamente 5.000 persoas ( segundo datos de nenos/as espectadores da Caravana que Pallasos Sin fronteras realizou o ano pasado)

Zonas de intervención

Todos aqueles de Cisjordania e Gaza aos que se poida chegar, coa posibilidade de facer intervencións en : Ramallah, Hebrón, Nablús, Khan Younis, Yenin e Belén.

Empregarase a risoterapia, as técnicas de desenvolvemento da expresión e á creatividade para mellorar a situación psicolóxica dos e das que son espectadores, participantes e víctimas nun momento no que a situación é alarmante

Palestina leva máis de 50 anos soportdando unha realidade opresiva. Varias xeracións foron víctimas do conflicto, o paro a desesperación, baixo a ocupación e a constante ameaza de morte. En consecuencia, homes e mulleres viven inmersos nun ambiente escasamente propicio para vivir dunha forma sana.

A través da túa participación no Festiclown estarás contribuíndo tamén co Fondoclown solidario e que se poida facer realidade a intervención en palestina a través da Caravana.