Nós estamos ben contentos do resultado global do festival.

         O público encheu maioritariamente os espectáculos. Na prensa tivemos bastantes seguimentos. Os asistentes ós cursos transmitíronnos seus parabéns. A selección das compañías foi do noso agrado. O Concello de Pontevedra, malia enfermar o concelleiro de Cultura, cumpríu con todo o pactado. En definitiva, todo ben para ser a primeira vez.

         Somentes nos queda concretar o próximo Festiclown (que será a edición nº19) para que todo sexa perfecto.

          Queremos agradecer, en primeiro lugar, a invitación da RGT para facermos este resumo, e sobre todo á xente de Pontevedra:

         Ó libreiro que sacou fotos en tres dimensións dos correfocs; á señora que afeitou ó humorista Dani Perez en frente á peregrina; ó paisano que reñiu co noso Chaplin-Minguella; o rapaz que se meteu na fonte con Leo Bassi.

         E sobre todo a estes vinte rapaces con menos de dez anos que asistiron a tódalas funcións do Principal cunha actitude adulta.

         Por fin temos que lle agradecer a todo o persoal do Principal e do Auditorio a súa indispensable paciencia. E á Concellería de Cultura de Pontevedra por apostar nesta tolemia colectiva que foi o FestiClown.

Mil primaveras máis.
Iván prado:Director do FestiClown.